EKSPOZITA SHËTITËSE

Në Galerinë FAB të Universitetit të Arteve në Tiranë, më shumë se 50 artistë nga Kosova hapën sezonin e shtatorit me një ekspozitë të jashtëzakonshme të artit vizual bashkëkohor. Kjo ekspozitë shëtitëse, e kuruar nga z. Kamuran Goranci, solli në Tiranë një përmbledhje të veprave që pasqyrojnë talentin dhe kreativitetin e artistëve kosovarë.

Ky projekt u realizua falë një bashkëpunimi të frytshëm mes Ambasadës së Shqipërisë në Kosovë dhe Universitetit të Arteve në Tiranë, duke kontribuar kështu në forcimin e lidhjeve kulturore dhe artistike mes dy vendeve.

Një falënderim i veçantë për Rektorin e Universitetit të Arteve të Tiranës, Prof. Dr. Erald Bakalli, dhe Dr. Ermir Hoxha, për mbështetjen e tyre të çmuar në realizimin e kësaj ekspozite.

Urime dhe falënderime të ngrohta shkojnë për të gjithë artistët e Asociacionit të Artistëve Vizual të Kosovës dhe z. Kamuran Goranci, për këtë prezantim dinjitoz të artit të Kosovës para publikut të Tiranës.

#MinistriaEPunëveTëJashtme #Art #Kosova #Shqipëria #FABGallery #UniversitetiArteve #Bashkëpunim #ArtiBashkëkohor #Tiranë #Prishtinë